Zoram Today Aizawl the 30th May, 2024 (Thurs) : Mizoram Board of School Education (MBSE) chuan vawiin khan hriattirna ti chhuakin, No.K.12012/2/2021-MBSE (Acad)/163: August ni 11, 2023 leh November ni 28, 2023 a Supreme Court-in NCTE guidelines chungchanga thuthlukna a siam tlawhchhanin, State Council of Educational Research and Training (SCERT), Mizoram chuan Mizoram Teacher Eligibility Test (MTET), 2024 hmachhawn tura thiamna neih ngaite tarlangin thuchhuah a siam.

MTET Paper I (Primary School Teacher) exam tur hian B.Ed/B.Ed (Special Education) leh Post-Graduation with three-year integrated B.Ed-M.Ed thiamna neite pawm a ni tawh dawn lo a, MTET 2024 Examination pe tur hian National Institute of Open Schooling (NIOS) hnuaia 18 Months' Diploma in Elementary Education (D.EL.Ed) neite chu pawm a ni tawh lo ang.

MBSE chuan, Mizoram Teacher Eligibility Test (MTET), 2024 exam thei tura thiamna ngaite hi a hnuaia Annexure ah tarlan a ni ang. Hre chiang duh tan www.mbse.edu.in/ ah en theih a ni ang, an ti.